收到好多住加拿大嘅朋友pm問
而家去Banff玩咩情況？
安唔安全？
係咪人人帶口罩？
餐廳酒店開唔開？
等等嘅問題
所以我就簡單分享一下啊🌸
其實的確加拿大人（本地人）帶口罩意識係比香港低
亦有一班人係唔相信肺炎存在
所以相比香港人嘅防疫意識 我個人覺得係低少少
但我地住嘅城市Calgary 所屬於嘅省份Alberta
幾星期前發佈左係室內公共場所是必須要帶口罩
所以對我地黎講
相對安心多左好多
而Banff就更特別
由於是好popular嘅旅遊區
相對室外都會比較多人
所以係Banff果條遊客大街都是必須帶口罩的
如無帶亦會免費提供比旅客
所以措施都算唔錯
由於我地帶埋Ruby去 所以我地酒店嘅選擇唔多
只可搵歡迎狗狗嘅酒店
我自己平日就算有無疫情
每次去酒店都會帶枝thieves喪噴
所以感覺都算良好
而Banff所有餐廳都有開
第一日嘅午餐 我地去左一間只做外賣嘅日本拉麵店買外賣去公園食
唔記得餐廳名 但是樓上鋪 亦是正宗日本人開
非常好食
因為有Ruby 我地可以去嘅餐廳選擇唔多
好多餐廳有patio都唔歡迎狗狗
好彩夜晚搵到間希臘餐廳比Ruby入
我先可以坐定定食到餐生日飯
養狗狗同養bb真的有時分別唔大🤣
總結是Banff而家唔算太多遊人
大家亦帶晒口罩
只是而家疫情仲未穩定
大家如果去玩各樣一定要小心
要平衡疫情與生活的確唔容易
香港人 身處何方
都要自強加油
健康平安
❤️🌈
Search